माघी नजिकिएसँगै थारू समुदायमा चहलपहल शुरु, नयाँ वर्षको स्वागतका लागि अन्तिम तयारी हुँदै

दाङ । माघी नजिकिएसँगै थारू समुदायमा चहलपहल शुरु भएको छ ।

थारू समुदायको सबैभन्दा ठूलो र महत्वपूर्ण चाडको रुपमा मनाइने माघी नजिकिएसँगै समुदाय चहलपहल शुरु भएको हो ।

थारू समुदायको नयाँ वर्षको स्वागतका लागि अन्तिम तयारीमा जुटेका छन् । रोजगारीका सिलसिलामा घर बाहिर भएकाहरु घर फर्किएकाले गाउँघरको वातावरण नै रमाइलो भएको छ ।

माघलाई विभिन्न ठाउँका थारू समुदायले आ–आफ्नो परम्पराअनुसार माघ, खिचरा, तिला सङ्कराइत नामले मनाउँदै आएको पाइन्छ । केही वर्ष पहिले थारू समुदायका अधिकांश छोरीहरु कमलरी थिए ।

उनीहरु माघका दिनमात्रै छुट्टी पाउँथे त्यसैले यसलाई मुक्ति दिवसका रुपमा पनि मनाइन्छ । माघको तयारीमा ढिक्री, रोटी, जाँड पकाउने काम शुरु भएको छ ।