काठमाडौं । पछिल्लो चौबीस घण्टामा थप ७४३ जनामा कोरोना भाइरस सङ्क्रमण देखिएको छ ।
थपिएका सङ्क्रमितसँगै नेपालमा कुल सङ्क्रमितको संख्या दुई लाख ५५ हजार ९७९ पुगेको स्वास्थ्य तथा जनसंख्या मन्त्रालयले जनाएको छ ।
कोभिड–१९ सम्बन्धी दैनिक विवरण अद्यावधिक गर्दै मन्त्रालयले पछिल्लो चौबीस घण्टामा पाँच हजार ५५९ आरटी पीसीआर परीक्षण गर्दा ७४३ जनामा सङ्क्रमणको पुष्टि भएको जनाएको हो ।
हालसम्म १८ लाख ९० हजार ७४० जनाको पीसीआर परीक्षण गरिएको छ । हाल सात हजार ५१५ जनामा भाइरसको सङ्क्रमण सक्रिय रहेको मन्त्रालयले जनाएको छ ।
तपाईको प्रतिक्रिया