मोरङ । कोरोना भाइरस संक्रमणबाट मोरङमा थप ११ जनाको मृत्यु भएको छ।
पछिल्लो साढे १२ घण्टामा कोरोना भाइरस संक्रमणबाट मोरङमा थप ११ जनाको मृत्यु भएको हो ।
१० जनाको उपचारका क्रममा विभिन्न अस्पताल र एक जनाको होम आइसोलेसनमा मृत्यु भएको छ । उपचारका क्रममा विराटनगरको नोबेल शिक्षण अस्पतालमा चार, कोसी अस्पताल कोभिड उपचार युनिट, कोसी अस्पताल कोभिड–१९ उपचार केन्द्र र मोरङको बूढीगंगा गाउँपालिकास्थित विराट शिक्षण अस्पतालमा दुईरदुई जना संक्रमितको मृत्यु भएको छ।
नोबेलमा सुनसरीको दुहवी नगरपालिका–३ का २२ वर्षीय युवकको शनिबार बिहान ६ः४५ बजेतिर मृत्यु भएको छ। सुनसरीको इटहरी उमपहानगरपालिका–२० की ३९ वर्षीया महिलाको बिहान ६ बजेतिर नोबेलमै मृत्यु भएको छ।
दाहालकाअनुसार सिरहाको धनगढी नगरपालिका–१० का ७० वर्षीय वृद्ध पुरुषको बिहानका राति १ बजेतिर मृत्यु भएको छ। उनका अनुसार मोरङको सुनवर्षी नगरपालिका–४ का ५८ वर्षीय पुरुषको बिहानका राति १२ः३० बजेतिर मृत्यु भएको छ।
कोसी अस्पताल कोभिड उपचार युनिटमा विराटनगर महानगरपालिका–६ की ४० वर्षीया महिलाको शनिबार बिहान ९ः१५ बजेतिर मृत्यु भएको अस्पतालका मेडिकल सुपरिटेन्डेन्ट डा. चुमनलाल दासले जानकारी दिए। उनका अनुसार सिरहाको कल्याणपुर–७ का ५९ वर्षीय पुरुषको शुक्रबार राति ८ः४० बजेतिर मृत्यु भएको छ।
कोसी अस्पताल कोभिड–१९ उपचार केन्द्रमा विराटनगर–१४ की ५० वर्षीया महिलाको बिहानका राति ३ः४५ बजेतिर ज्यान गएको छ। सुनसरीको बर्जु गाउँपालिका–२ का ६० वर्षीय पुरुषको पनि बिहान ४ः१५ बजेतिर मृत्यु भएको राजवंशीले बताए।
विराट शिक्षण अस्पतालमा मोरङको बूढीगंगा गाउँपालिका–२ का ५५ वर्षीय पुरुषको बिहानका राति २ः४५ बजेतिर मृत्यु भएको छ। उदयपुरको चौदण्डीगढी नगरपालिका–६ की ६५ वर्षीया वृद्धा महिलाको उपचारकै क्रममा राति ९ बजेतिर विराटमा मृत्यु भएको छ।
मोरङको लेटाङ नगरपालिका–३ का ५२ वर्षीय पुरुषको होम आइसोलेसनमै मृत्यु भएको छ।पीसीआर परीक्षण गराउँदा जेठ ९ गते कोरोना पुष्टि भएपछि उनी घरमै आराम गरेर बसिरहेका थिए।एक्कासि स्वास्थ्यमा समस्या देखिएका पुरुषको शुक्रबारराति ९ः३० बजेतिर मृत्यु भएको नगरपालिकाले जानकारी दिएको छ।
तपाईको प्रतिक्रिया