देशमा थप ७३६ जनामा देखियो कोरोना संक्रमण

काठमाडौं । देशमा थप ७ सय ३६ जनामा कोरोना भाइरस संक्रमण देखिएको छ ।

पछिल्लो चौबीस घण्टामा नेपालमा कोरोना भाइरसका ७३६ सङ्क्रमित थपिएको स्वास्थ्य तथा जनसंख्या मन्त्रालयले जनाएको हो । त्यस्तै, पछिल्लो चौबीस घण्टामा ८४७ जना सङ्क्रमित निको भएर घर फर्केका छन् ।

थपिएका सङ्क्रमितसँगै नेपालमा कोरोना भाइरसका कुल सङ्क्रमित दुई लाख ५० हजार ९१६ पुगेको छ । पछिल्लो चौबीस घण्टामा पाँच हजार ५५५ जनाको आरटीपीसीआर परीक्षण गरिएको छ । मन्त्रालयले हालसम्म १८ लाख ४९ हजार १३६ जनाको आरटीपीसीआर परीक्षण गरिएको जनाएको छ ।

हालसम्म दुई लाख ३८ हजार ५६९ जना सङ्क्रमित निको भएका छन् । मन्त्रालयका अनुसार हाल नौ हजार ७५७ जनामा मात्रै भाइरसको सङ्क्रमण सक्रिय छ । नेपालमा निको हुने दर बढिरहेको छ । अहिले नेपालमा निको हुने दर ९५.०८ प्रतिशत छ ।