सप्तरी । जनता समाजवादी पार्टी अध्यक्ष उपेन्द्र यादवलाई पुनः पराजित गर्न जनमत पार्टी अध्यक्ष सिके राउत मैदानमा उर्तिएका छन् ।
जनमत पार्टी अध्यक्ष सिके राउतसँग सप्तरी क्षेत्र नम्बर २ बाट दोब्बर मतले पराजित जसपा अध्यक्ष यादव आउँदो बैशाख १० गते हुने उपनिर्वाचनमा बारा निर्वाचन क्षेत्र नम्बर २ बाट चुनाव लड्ने भएपछि यादवलाई पुनः पराजित गर्न सिके राउत अहिले देखिनै मैदानमा उर्तिएका हुन् ।
सिके राउत उपेन्द्र यादवलाई फेरि पनि पराजित गर्न सक्ने प्रवल सम्भावना रहेको राजनितिक विश्लेषकहरुको जिकिर छ । साथै उपेन्द्र यादवलाई पुनः चुनावमा हार ब्यहोर्नु पर्यो भने उपेन्द्र यादवको मधेशबाट अस्तित्व नै सखाप हुने राजनितीकर्मी राम नारायण राउतको आँकलन छ ।
बारा निर्वाचन क्षेत्र नम्बर २ बाट निर्वाचित रामसहाय यादव उपराष्ट्रपतिमा निर्वाचित भएकाले हाल यी निर्वाचन क्षेत्र खाली छ र प्रतिनिधि सभा सदस्य निर्वाचन ऐन, २०७४ को दफा ६८ बमोजिम संवत् २०८० साल वैशाख १० गते आइतबारका दिन उपनिर्वाचन गर्ने गरी निर्वाचनको मिति तोकिएको छ ।
तपाईको प्रतिक्रिया