काठमाडौं । भारतका विदेशमन्त्री एस जयशंकरले नेपालसँगको आपसी समस्याहरुको हल गरेर अघि बढ्ने बताएका छन् ।
भारतको पत्रिका द हिन्दू पत्रिकालाई दिएको अन्तर्वार्तामा जयशंकरले नेपालसँगको सम्बन्ध सुधार गरेरअघि बढ्ने समझदारी भइसकेको बताउँदै आपसी समस्याहरुको हल गरेर अघि बढ्ने बताएका हुन् ।
विगतमा नेपाल-भारतबीचको सम्बन्धमा समस्या देखा परेको उल्लेख गर्दै उनले आगामी दिनमा सम्बन्ध सुधार गरेर अघि बढ्ने संकेत पछिल्ला केही साताले देखाएको बताए । जयशंकरले नेपाल र भारतको आफ्नै राजनीति भएका कारण समस्या पनि रहेको उल्लेख गर्दै उनले अब आपसी समस्याहरुको हल गरेर अघि बढ्ने बताए ।
‘एउटै घटनालाई मूल्याङ्कनको अन्तिम आधार मानिनु हुँदैन । समस्या नभएका संसारमा कुनै पनि छिमेकी हुँदैनन् । आज हाम्रा अधिकांश छिमेकी देशहरू लोकतान्त्रिक छन् । उनीहरूको आफ्नै राजनीति र हाम्रो आफ्नै राजनीति भएकाले समस्या छन्,’ उनले भनेका छन्, ‘यस्ता समस्या हल गर्न केही वर्षसम्म पनि लाग्न सक्छ । त्यसपछि समस्या समाधान हुँदै जाने हुन्छ ।’
तपाईको प्रतिक्रिया