सप्तरी (फत्तेपूर) । भारतीय विदेश सचिव हर्षवर्द्धन श्रृंगला नेपाल आइपुगेका छन् ।
नेपालीभाषी भारतीय विदेश सचिव श्रृंगला दुई दिने नेपाल भ्रमणका क्रममा काठमाडौं आएका हुन्। विदेश सचिव श्रृंगलाको यो पहिलो नेपाल भ्रमण हो ।
नेपाल–भारत उच्चस्तरमा भइरहेको भ्रमणको आदान प्रदानकै निरन्तरताका क्रममा श्रृगंला आएका हुन्। उनले उच्चस्तरीय भेटवार्ता आजैदेखि थाल्ने बताइएको छ।
परराष्ट्र सचिव भरतराज पौडेलको निमन्त्रणमा औपचारिक भ्रमणमा आएका श्रृंगलाले आजै राष्ट्रपति विद्यादेवी भण्डारी, प्रधानमन्त्री केपी शर्मा ओली, परराष्ट्रमन्त्री प्रदीप कुमार ज्ञवालीलगायतलाई भेट्ने कार्यक्रम छ ।
तपाईको प्रतिक्रिया