काठमाडौं । चोरीको मोटरसाइकलसहित दुई जना पक्राउ परेका छन् ।
महानगरीय ट्राफिक प्रहरी महाशाखा काठमाडौंले चोरीको मोटरसाइकलसहित दुई जनालाई नियन्त्रणमा लिएको हो ।
पक्राउ पर्नेमा धादिङको निलकण्ठ नगरपालिका–९ मुरली भन्ज्याङ्गका २६ वर्षीय राजन मगर र थाक्रे गाउँपालिका-१ देवीस्थानका २१ वर्षीय राजन तामाङ रहेको ट्राफिक महाशाखाका प्रमुख प्रहरी वरिष्ठ उपरीक्षक जनक भट्टराईले जानकारी दिए ।
पीडित सहायता इकाईबाट सादा पोसाकमा खटिएको ट्राफिक प्रहरी टोलीले सोह्रखुट्टेस्थित सडकखण्डबाट बा९२ प७६३० नम्बरको २२० सीसीको पल्सर मोटरसाइकलसहित उनीहरुलाई नियन्त्रणमा लिएको हो । अनुसन्धानको क्रममा उक्त मोटरसाइकलको वास्तविक नम्बर प्रदेश ३-०२-०१२ प ९८३५ खुल्न आएको ट्राफिक महाशाखाका प्रमुख प्रहरी वरिष्ठ उपरीक्षक जनक भट्टराईले जानकारी दिए ।
तपाईको प्रतिक्रिया