सप्तरी (फत्तेपुर। रौतहटको गाउँघरतिर मिल र आधुनिक मेसिनहरु संचालनमा आएपछि जाँतो बनाएर जीविकोपार्जन गर्नेहरुको पेशा संकटमा परेको छ ।
रौतहट जिल्लाको गाउँघरमा मिल र आधुनिक मेसिन संचालनमा आएपछि जाँतो बनाएर जीविकोपार्जन गर्नेहरुको पेशा संकटमा परेको हो ।
अहिले घरमा भएको जाँतो पनि गाउँघरमा प्रयोगमा ल्याउन छोडेका छन् । कुट्न पिसाउनका लागि मिल र सुधारिएको घट्ट तथा विभिन्न खाले मिक्चर मेसिनहरु संचालनमा आएपछि यस्तो अवस्था आएको व्यवसायीहरुले बताउछन् ।
कुटानी पिसानीका लागि उपयुक्त मानिए पनि धार्मिक शुभकार्यहरुमा ढिकी, जाँतो, ओखलमा पिसिएको चामल, गहूँ, दाल शुद्ध मानिन्छ । मिलमा कुटानी पिसानी गरिएको अनाजको प्रोटिन कार्बोहाइड्रेड, खनिज पदार्थ तथा पौष्टिक तत्व नष्ट हुनुको साथै वातावरणीय दृष्टिकोणले मिल उपयुक्त नमानिए पनि यस बेला जिल्लाको अधिकांश घरहरुमा जाँतोको सट्टा मिल र घरबाटै कुटानी पिसानी गर्ने हुनाले जाँतोको विक्रीमा कमी आएको जाँतो बनाई जीवनयापन गर्दै आइरहेका देवकुमार थैबले बताउछ ।
जाँतो बनाउने ढुङ्गा नपाइनु र ढुङ्गा खोजेर बल्लतल्ल बनाइएको जाँतोले बजार भाउ पाउन छोडेपछि घर चलाउन कठिनाई भइरहेको जाँतो व्यवसायी कोशिलादेवी थैव बताउछिन् । उनका अनुसार धेरै मिहिनेत गरेर बनाइएको जाँतोको मूल्य पाउन छाडेपछि यस पेशामा लागेका अधिकांश व्यवसायी अन्य पेशामा लागेका छन् ।
त्यस्तै, सन्तोष थैवका अनुसार अत्याधिक परीश्रम गरेर बनाइएको जाँतो खच्चरमा लाँदेर गाउँ गाउँमा घुमेर विक्री गर्दा ग्राहकहरुले मोलतोल गरेर खरिद नगर्ने तथा एक दूई जनाले खरिद गर्ने भए पनि कम मूल्य दिने गरेका कारण दिन भरिका पारिश्रमिक समेत उपर नहुने बताउछ । विज्ञान प्रविधिको विकासले गर्दा गाउँघरबाट ढिकी, जाँतो, ओखलहरु क्रमशः हराउँदै जान थालेका छन् । यही अवस्था रहे ढिकी, जाँतो, ओखल संग्राहलयमा मात्रै सिमित रह्नेछ ।
तपाईको प्रतिक्रिया