काठमाडौं । निर्वाचन आयोगले ११ दलका नेताहरूसँगको छलफलमा मतदाता नामावली प्रकाशन गराउन प्रस्ताव गरेको छ ।
आयोगले ११ दलका नेताहरूसँगको छलफलमा माघ १५ गते मतदाता नामावली प्रकाशन गर्ने प्रस्ताव गरेको हो । प्रमुख निर्वाचन आयुक्त दिनेशकुमार थपलियाले मध्यावधि निर्वाचन सम्पन्न गर्न आयोगबाट सम्पादन भइरहेका कामबारे दलहरूलाई जानकारी दिँदै माघ १५ गते मतदाता नामावली प्रकाशन गर्ने प्रस्ताव गरेको छ ।
सरकारले वैशाख १७ र २७ गते दुई चरणमा प्रतिनिधिसभा निर्वाचनको मिति घोषणा गरेकाले आयोगले त्यसबारे भइरहेको आन्तरिक तयारीबारे आइतबार दलहरूलाई जानकारी गराएको हो। यद्यपि, प्रतिनिधिसभा विघटन गर्ने सरकारको निर्णयबारे सर्वोच्च अदालतमा मुद्दा विचाराधीन छ।
सरकारले निर्वाचनको मिति घोषणा गरेकाले मतदाता नामावली संकलन कार्य स्थगन गरिएको भन्दै प्रमुख निर्वाचन आयुक्त थपलियाले मतदाता नामावली प्रकाशन गर्ने प्रस्ताव गरेका थिए। निर्वाचनको मिति घोषणापश्चात् कानुनी व्यवस्थाबमोजिम मतदाता संकलन कार्य स्थगन भएको र मतदाता नामावली अद्यावधिक कार्य चुस्त र दुरुस्त रूपमा सम्पन्न गर्नरगराउन तथा मतदानस्थल तथा केन्द्र निर्धारणसम्बन्धी कार्यमा राजनीतिक दलको तर्फबाट सक्रिय र प्रभावकारी भूमिका निर्वाह गर्न प्रमुख आयुक्तले दलहरूसमक्ष प्रस्ताव गरेको आयोग प्रवक्ता राजकुमार श्रेष्ठले बताए।
तपाईको प्रतिक्रिया