काठमाडौं । पूर्वमन्त्री केशरबहादुर बिष्टले राजसंस्था छिट्टै आउने भनेका छन् ।
एक कार्यक्रममा पत्रकारसँग बोल्दै पूर्वमन्त्री बिष्टले ज्ञानेन्द्र शाहलाई फेरि राजा बनाउने बताएका हुन् । उनले ज्ञानेन्द्र शाहलाई नै राजा बन्ने अधिकार भएकोले बन्ने ठोकुवा गरे ।
ज्ञानेन्द्र शाहलाई नै राजा बनाउने हो ? प्रश्नमा बिष्टले भने, ‘उहाँ नै राजा बन्ने हो, राजा बन्ने अधिकार ज्ञानेन्द्र शाहलाई नै छ ।’ जतिसक्दो छिटो राजसंस्था फर्कने बताए । देशलाई संकटबाट जोगाउन राजसंस्था ल्याउनु अनिवार्य भएको बताए ।
राजसंस्था फर्कने ठोकुवा गर्दै अहिले सडकमा समर्थनमा जनता उत्रिएपछि क्याबिनेटसम्म हल्लिएको बताए । उनले अब राजसंस्था ल्याउन कसैले रोक्न नसक्ने बताए । कृष्णप्रसाद भट्टराई जस्ता सन्त नेताले अगुवाई गरेर बनाएको संविधान माओवादीले माँसेको तर्क गरे ।
तपाईको प्रतिक्रिया