ब्रिटिश प्रकृतिवादी डोना प्राइस आफ्नो घर भएको क्षेत्रमा निर्वस्त्र घुमफिर गर्छिन् । कोरोनाभाइरस लकडाउनका बेला कैयौँ मानिसले घरबाहिरको वातावरण अवलोकन गर्दै रमाइलो गरेका छन्। तर के तपाईँ घरबाहिर निर्वस्त्र घुमफिर गर्ने सक्नुहुन्छ ?
‘नेचरिजम’ भनिने कुनै सामाजिक अभ्यास अनुसरण गर्ने मानिसहरू प्राकृतिक रूपमा जस्तो छ त्यस्तै कुनै वस्त्र नलगाई बस्छन्। विभिन्न संस्कृति र तपाईँ कहाँ बस्नुहुन्छ भन्नेबाट निर्वस्त्र रहने कुरा विवादास्पद पनि हुनसक्छ।
डोना प्राइस र उनका पति दुवै यूकेका प्रतिबद्ध प्रकृतिवादी हुन्। उनीहरू कोरोनाभाइरस महामारीमा पनि मौसमले साथ दिएका बेला घरबाहिर निर्वस्त्र हिँडडुल गर्दै आएका छन्। हालै प्राइसले प्रकृतिवादबारे थाहा पाउन चाहनेहरूलाई प्रोत्साहित गर्दै एक पटक प्रयत्न गर्न भनेकी छन्।
उनले जाडोका बेला भने निर्वस्त्र विचरण कठिन हुने बताइन्। तर गत वर्षको लकडाउनका बेला घर वरपरको क्षेत्रमा उनी आफ्ना पतिसँग निर्वस्त्र घुमफिरमा गएकी थिइन्। प्राइस ब्रिटिश प्रकृतिवादी समूहकी स्वयंसेवी हुन् र विमिन इन नेचरिज्म अभियानकी प्रमुख पनि हुन्।
प्रकृतिवाद सबैका लागि हुन नसक्ने कुरा उनी मान्छिन् र ‘सार्वजनिक स्थानमा निर्वस्त्र हुने कुराप्रति समाजमा नकारात्मक दृष्टिकोण रहेको छ’ भन्छिन्। डोनाले प्रकृतिवाद अनुसरण गर्दै आफ्नो घरको काम निर्वस्त्र रूपमा गर्ने गरेका तस्बिरहरू सामाजिक सञ्जालमा पोस्ट गर्ने गरेकी छन् ।
तर नग्न हिँडडुल वा पौडी खेल्नेबारे आत्मविश्वास बढाउने कामको वकालत गर्छिन् र उनले सर्वसाधारणबाट आश्चर्यजनक रूपमा सुझबुझपूर्ण प्रतिक्रिया पाउने गरेकी छन्। ‘यदि सर्वसाधारण मानिस भेट भए भने धेरैजसोबाट आउने प्रतिक्रिया वास्तवमा असाध्यै प्रोत्साहित पार्ने खाले हुन्छन्।’ बीबीसी
तपाईको प्रतिक्रिया