सप्तरी (फत्तेपुर) । चितवनमा बोलेरो दुर्घटना हुँदा २ जनाको ज्यान गएको छ ।
ईच्छाकामना गाउँपालिका ६ जलबिरेमा ना ४ च ५०५० नं को बोलेरो अनियन्त्रित भइ दुर्घटना हुँदा दुईजनाको ज्यान गएको हो । दुर्घटनामा परि बोलेरोमा सवार दुईजनाको घटनास्थलमै मृत्यु भएको चितवन प्रहरीका प्रवक्ता सुर्य थापाले जानकारी दिए ।
पहाडी क्षेत्रबाट राजमार्ग आउने क्रममा जीप दुर्घटना भएको थियो । मृतकको सनाखत हुन नसकेको प्रहरीले जानकारी दिए । बोलेरोमा करिब १५ देखि २० जनासम्म रहेको जनाएको छ ।
सोही दर्घटनामा अन्य १३ जना घाइतेसमेत भएका छन् । घाइतेमध्ये १३ जनाको चितवन मेडिकल कलेजमा उपचार भइरहेको र तीनजनाको अवस्था गम्भीर रहेको चितवन मेडिकल कलेजका अप्रेसन म्यानेजर पारस अधिकारीले बताए ।
तपाईको प्रतिक्रिया