सप्तरीको औधोगिक क्षेत्र नजिक ट्याक्टर र मोटरसाइकल आपसमा ठोकियो, मोटरसाइकल चालकको मृत्यु

सप्तरी । ट्याक्टर र मोटरसाइकल आपसमा ठोकिदा मोटरसाइकल चालकको मृत्यु भएको छ ।

रुपनी गाउँपालीका ५ औधोगिक क्षेत्र नजिक गएराती ट्याक्टर र मोटरसाइकल आपसमा ठोकिदा मोटरसाइकल चालकको मृत्यु भएको हो । सोही गाउँपालिका १ रायपुरका ३२ वर्षीय छोटेलाल यादबको मृत्यु भएको हो । गम्भीर घाइते भएका उनको उपचारका क्रममा गजेन्द्र नारायण सिंह अस्पताल राजबिराजमा मृत्यु भएको हो ।

गएराती पौने ११ बजे ना ४ त ८२३९ नम्बरको ट्याक्टर र ओनटेष्ट लेखिएको मोटरसाइकल आपसमा ठोकिएका हुन् । ट्याक्टर चालकलाई जिल्ला प्रहरी कार्यालय सप्तरीले नियन्त्रणमा लिएको छ । काठमाडौंको लाजिम्पाटमा हिजो बेलुकी मोटरसाइकल पल्टिदा चालक घाइते भएका छन् ।

घाइते हुनेमा तनहुँको बन्दिपुर नगरपालिका १ घर भई काठमाडौंको बनस्थली बस्ने ४३ वर्षीय रविन भट्ट रहेका छन् । वीर अस्पतालमा घाइतेको उपचार भइरहेको छ । टुकुचाबाट खानीविभागतर्फ जाँदै गरेको बा ४१ प १४५ वनम्बरको मोटरसाइकल अनियन्त्रित भएर हिजो बेलुकी पौने ८ बजे पल्टिएको थियो ।