बैतडी । दशरथचन्द नगरपालिका १० बुड्डा जीप दुर्घटना भएको छ ।
आज मंगलबार बुड्डा जीप दुर्घटना हुँदा ५ जनाको मृत्यु भएको हो । बैतडीको झुलाघाटबाट गोठलापानी आउँदै गरेको ना १ ज २१९६ नम्बरको जीप बुड्डा भन्ने स्थानमा दिउँसो डेढ बजेतिर दुर्घटनामा परेको हो ।
दुर्घटनामा परेर बैतडीको सुर्नया गाउँपालिका ४ का ७५ वर्षीया कलावती चन्द, पाटन नगरपालिका ५ का ७७ ७५ वर्षीय भगीरथ पाण्डेय, दशरथचन्द नगरपालिका ५ बस्कोटका ७२ वर्षीया पार्वती चन्द, पाटन नगरपालिका ५ का ७० वर्षीया पार्वतीदेवी चन्द र दशरथचन्द नगरपालिका २ का ५८ वर्षीय कृष्णलाल लावडको मृत्यु भएको जिल्ला प्रहरी कार्यालयका प्रवक्ता प्रहरी निरीक्षक जनकबहादुर धामीले जानकारी दिए।
दुर्घटनामा परी अन्य ५ जना घाइते पनि भएका छन् । घाइतेहरुलाई उपचारका लागि जिल्ला अस्पताल पुर्याइएको जिल्ला प्रहरी कार्यालयका प्रमुख प्रहरी नायव उपरीक्षक नारायणप्रसाद अधिकारीले जानकारी दिए । दुर्घटनामा परी घाइते भएका जीप चालक गोपाल कार्कीको टाउकोमा चोट लागेको छ । उनको अवस्था गम्भीर भएकाले धनगढी रेफर गरिएको प्रहरीले जनाएको छ ।
तपाईको प्रतिक्रिया