सप्तरी । कंचनरुप नगरपालिकाका जनतामा नगरभित्र विकाशको नयाँ लहर आउने आश पलाएको छ ।
निर्वाचित भएर पदभार ग्रहण गर्नासाथ जनताको सेवा गर्न देखाएको तत्पर्ता र चालेको कदमले जनतामा अहिले शिक्षा, स्वास्थ्य लगायतको क्षेत्रमा विकाशको नयाँ लहर आउने आश पलाएको हो । यसरी जनतामा आश पलाइरहदाँ बुद्धिजिबी, राजनितीकर्मीहरुले बिभिन्न किसिमले विश्लेशनसमेत गरिरहेका छन् ।
‘गुप्ता जी कंचनरुप न.पा.को प्रमुखमा भखरैँ निर्वाचित भएका छन्, यसरी तत्पर्ता देखाउनु स्वभाविक हो ।’ वडा ११ का एक स्थानिय बुद्धिजिवीले भने । ‘तर, अहिलेकै अनुसार ५ वर्ष काम गरेमा जनताको आश पुरा हुन्छ ।’ त्यस्तै, वडा नम्बर ८ का एक राजनितीकर्मीले ‘विश्वासकै भरमा गुप्ता जीलाई जित्न सहयोग गरेको हुँ, उहाँले हाम्रो अपेक्षा र जनताको अनुरुपनै काम गर्नुहुन्छ भन्नेमा म पूर्णरुपमा विश्वस्त छु ।‘ भनेका छन् ।
‘गुप्ता जी जनप्रतिनिधी नहुँदा जनताको समस्या खाना नै नखाइ सामाधान गर्ने मान्छे हो, अहिले जनताबाट यहाँको प्रमुखमा चुनिएका छन्, जनतालाई सेवा गर्न वृहत रुपमा अवसर पाउनुभएका छन् । गुप्ता जी सम्पुर्ण जनताको समस्या सामाधान गरी जनताको आश पुरा गर्नसक्नुहुन्छ भन्ने मेरो विश्वास छ।’ वडा नम्बर ८ का एक ब्यापारीले भनेका छन् ।
तपाईको प्रतिक्रिया